سکھر (بیورورپورٹ) پیپلزپارٹی کے رہنما اور صوبائی بلدیات سید ناصر حسین شاہ کے فرزند چیئرمین لوکل کونسل ایسوسی ایشن سندھ سید کمیل حیدر شاہ نے کہا ہے کہ عمران خان کی تبدیلی گیتوں تک ہی محدود ہو کر رہ گئی ہے، تبدیلی کا راگ الاپ نے والوں کی حکومت بڑھتی ہوئی مہنگائی بے روزگاری، کرپشن اور بدانتظامی کی بدولت گم نامی کی جانب تیزی سے گامزن ہے، عمران خان جس منصوبے میں ہاتھ ڈالتے ہیں وہ تباہ ہوجاتاہے پی ٹی آئی والے حکومت اپنے ناکامی اور نااہلی کو خود ہی بے نقاب کرتے ہیں ملک کی عوام موجودہ حکومت سے بے زار ہوچکی ہے حکومت کا جلد بوریا بسترا گول ہونے والا ہے۔ وہ اپنی رہائش گاہ قصر ناصر ہاؤس روہڑی میں پیپلزپارٹی کے کارکنان کے وفود سے ملاقات کے دوران بات چیت کررہے تھے، سید کمیل حیدر شاہ نے کہا کہ جیالوں کی حکومت ہی اصل عوامی حکومت ہے پیپلزپارٹی کے حکومت میں عام آدمی کے مسائل ترجیح بنیادوں پر حل ہوتے ہیں پیپلزپارٹی چیئرمین بلاول بھٹوزرداری عوامی شعور کے مالک ہیں ملک کے غریبوں کسانوں اور مزدوروں کے دکھ درد سمجھنا انہیں ورثے میں ملا ہے پیپلزپارٹی نے ہمیشہ عوام کی خواہشات کو سامنے رکھ کر فیصلے کئے ہیں بلاول بھٹو زرداری جیالوں اورکارکنان کا آئیڈیل اور انکی جان ہیں انکی سربراہی میں انقلابی سطح پر اقدامات کئے جارہے ہیں آنے والا دور پیپلزپارٹی کا ہوگا قبل ازیں سید کمیل حیدر شاہ نے شہریوں کے مسائل سنے اور انکے حل کے لئے فوری ہدایات جاری کیں اس موقع پر پیپلزپارٹی رہنما حاجی عبدالخالق سولنگی،عرفان علی داؤدپوتہ، ذیشان بھٹو، شفیق جونیجو ودیگر کارکنان کی کثیر تعداد موجود تھی.
کوئی تبصرے نہیں:
ایک تبصرہ شائع کریں
thank you for your interest. plz let us know how can we help you