سکھر: سول اسپتال کی خراب حالت پر خبریں نشر و اشاعت ہونے کا چیف سیکریٹری سندھ نے نوٹس لے لیا، ایم ایس سول اسپتال سکھر کو عہدے سے ہٹا دیا گیا

سکھر(رپورٹر) سول اسپتال کی خراب حالت پر خبریں نشر و اشاعت ہونے کا چیف سیکریٹری سندھ نے نوٹس لے لیا ، ایم ایس سول اسپتال سکھر ڈاکٹر تسلیم احمد خمیسانی کو عہدے سے ہٹا دیا گیا ، تفصیلات کے مطابق سکھر سول اسپتال میں مریضوں کو طبی سہولیات کی عدم فراہمی سمیت سول اسپتال کی خراب حالت ، وارڈ میں بجلی نہ ہونے ، پانی سمیت دیگر طبی سہولیات کے حوالے سے گذشتہ روز نجی ٹی وی اور اخبارات میں شائع و نشر ہونے والی خبروں کا سندھ کے چیف سیکریٹری نے نوٹس لیتے ہوئے میڈیکل سپرنٹنڈنٹ سول اسپتال سکھر ڈاکٹر تسلیم اختر خمیسانی کو انکے عہدے سے ہٹا دیا ہے سول اسپتال زرائع کے مطابق ڈاکٹر تسلیم اختر خمیسانی نے دو سالوں سے 19 گریڈ کے افسر ہوتے ہوئے 20 گریڈ کی پوسٹ کا اضافی چارج سنبھال رکھا تھا ۔