روہڑی(نمائندہ آئی بی این) پیپلزپارٹی کے چیئرمین بلاول بھٹوزرداری کی سکھرآمد روہڑی کے مختلف علاقوں سے پارٹی کارکنان کے قافلوں کا سلسلہ دن بھر جاری رہا جگہ جگہ استقبالیہ کیمپ لگائے گئے شاہراہوں کے اطراف پارٹی جھنڈے اوربینر لگائے گئے روانہ ہونے والے قافلوں میں شامل کارکنوں نے ہاتھوں میں پارٹی جھنڈے اور قائدین کی تصاویر اٹھا رکھی تھی
تفصیلات کے مطابق پیپلزپارٹی کے چیئرمین بلاول بھٹو زرداری کی سکھرآمد روہڑی کے مختلف علاقوں علی واہن، نیویارڈ، لوکوشیڈ، کندھرا، روشن آباد، صالح پٹ، سنگرار ودیگر علاقے سے پیپلزپارٹی تعلقہ روہڑی کے صدر نبی بخش جسکانی، سٹی روہڑی کے جنرل سیکریٹری حاجی عبدالخالق سولنگی، عرفان علی داؤدپوتہ، اعجاز احمد پلھ، گل حسن ہالیپوتو، علی حیدرچاچڑ، سہیل سومرو، ذیشان بھٹو، شفقت حسین شرودیگر کی قیادت میں دن بھر کارکنان کے قافلوں کی روانگی کا سلسلہ جاری رہا قافلوں میں شامل پارٹی کارکنان نے ہاتھوں میں پارٹی کے جھنڈے اور پیپلزپارٹی کے قائدین کی تصاویر اٹھا رکھی تھی مختلف علاقوں سے نکالے گئے قافلوں میں لیڈیز ونگ کی عہدیداران اور کارکنان کی بھی بڑی تعداد میں شامل تھیں
قافلوں میں شامل کارکنان پیپلزپارٹی کے نعرے بلند کررہے تھے دوسری جانب سے روہڑی سے سکھر جانے والے تمام راستوں کو پارٹی کے جھنڈوں اور پارٹی قائدین کی تصاویر لگاکر سجایا گیا تھا جبکہ شہرکے مرکزی علاقوں میں پارٹی عہدیداران کی جانب سے کیمپ قائم کئے گئے تھے جن میں قافلوں میں شامل کارکنان کے لئے ٹھنڈے پانی، مشروبات اور کھانے پینے کا بندوبست کیا گیا تھا
کوئی تبصرے نہیں:
ایک تبصرہ شائع کریں
thank you for your interest. plz let us know how can we help you