ملک بھر کی طرح سکھر سے بھی جیالوں کے قافلوں کی گڑھی خدا بخش جلسے میں شرکت، لب مہران، بائی پاس سے کارکنان کی بڑی تعداد میں گاڑیوں کے قافلے مقامی قیادت میں روانہ، جئے بھٹو، پی پی اور بلاول بھٹو زندہ باد کے نعرے بازی،
سکھر(رپورٹر) تفصیلات کے مطابق پی پی کی شہید چئیرپرسن محترمہ بے نظیر بھٹو کی 15ویں برسی کے موقع پر انہیں خراج عقیدت پیش کرنے کیلئے ملک بھر کی طرح سکھر سے بھی جیالو ں کے قافلے گڑھی خدا بخش پہنچے، گلوبل چوک لب مہران سے پی پی سٹی سکھر کے رہنماؤں مشتاق سرھیو ،ڈاکٹر ارشد مغل ،چوہدری اظہر حسنین ،سابق ڈپٹی مئیر طارق چوہان،محمد یاسین آرائیں ،غلام مرتضی گھانگھرو،مکھی ایشور لعل ،عامر نوناری،میڈم عزرا جمال و دیگر کی قیادت میں ویگنوں پر مشتمل قافلے گڑھی خدا بخش روانہ ہوئے جبکہ سکھر بائی پاس سے سابق رکن سندھ اسمبلی حاجی انور خان مہر کی قیادت میں استقبالیہ کیمپ سے کارکنان کی بڑی تعداد ایک قافلے کی صورت میں گڑھی خدا بخش جلسے میں شرکت کیلئے روانہ ہوئے ،
قافلے میں شریک پی پی سٹی ورکرز رہنما اور کارکنان نے نعریبازی کی جبکہ کارکنان نے ہاتھوں میں پلے کارڈ اور بینرز اور پارٹی پرچم اٹھا رکھے تھے قبل ازیں روانگی مذکورہ پی پی رہنماؤ ں کا کہنا تھا کہ پاکستان پیپلز پارٹی عوامی جماعت ہے اور اسے کوئی بھی سازش عوام سے دور نہیں کرسکتا ،پی پی کے شہید قائدین نے ہمیشہ ملک کی سلامتی ،خوشحالی عوام کی بے لوث خدمت کو جاری رکھا انکے چھوڑے گئے مشن کو پائیہ تکمیل تک پہنچانے کیلئے کارکنان بلاول بھٹو ودیگر قائدین کے زیر سائیہ جدوجہد میں مصروف عمل ہے رہنماؤں نے کہاکہ شہید رانی محترمہ بے نظیر بھٹو کو خراج عقیدت پیش کرنے کیلئے لاکھوں نہیں بلکہ کروڑوں عوام گڑھی خدا بخش جلسے میں شرکت کرکے اپنی شہید رانی سے عہد وفا کریگی گڑھی خدا بخش میں منعقد عوامی جلسہ ملک کی سیاسی تاریخ میں ایک نیاباب رقم کریگا۔
کوئی تبصرے نہیں:
ایک تبصرہ شائع کریں
thank you for your interest. plz let us know how can we help you