سکھر(رپورٹر) سیدخورشید احمد شاہ رہائی کمیٹی پاکستان، پی پی کے مرکزی رہنما آغا سیف اللہ پٹھان، پی پی جھنگ کے اقبال انجم نے پی پی سکھر کے رہنماؤں لالہ کاشف، لیڈیز ونگ کی میڈم عزرا جمال و دیگر کے ہمراہ سکھر پریس کلب میں مشترکہ پریس کانفرنس کرتے ہوئے سید خورشید احمد شاہ اور انکے بیٹے سید فرخ شاہ کی گرفتاری سمیت انکے اہلخانہ کو حراساں کئے جانیوالے عمل کی شدید الفاظ میں مذمت کرتے ہوئے کہا کہ سید خورشید احمد شاہ اور ان کی فیملی شہید ذوالفقار علی بھٹو کے پیروکار اور شہید رانی محترمہ بینظیر بھٹو کے سپاہی ہیں ، سیدخورشید شاہ کو عوام کی خدمت کرنے کی سزا دی جارہی ہے اگر انکے خلاف ثبوت ہیں تو انہیں سزا دی جائے لیکن نیب ابتک انکے خلاف ٹھوس ثبوت پیش کرنے میں ناکام ہے،پی پی کا ہر ایک جیالہ انکے اور انکے اہلخانہ کیساتھ کھڑا ہے مذکورہ رہنماؤں نے مزید کہا کے سید خورشید احمد شاہ تمام سختیاں برداشت کرنے کی ہمت رکھتے ہیں پر کبھی پارٹی کو چھوڑ نہیں سکتے پی پی کارکنان انصاف مانگ رہے ہیں ،ہمیں عدلیہ کی آزادی پر مکمل یقین ہے وہ بغیر کسی دباؤ کے سید خورشید احمد شاہ اور ان کی فیملی کو انصاف فراہم کرینگے بعد ازیں پریس کانفرنس رہنماؤں اور کارکنان نے سکھر پریس کلب کے باہر سید خورشید شاہ کی رہائی کیلئے احتجاجی مظاہرہ کیا اور نعریبازی کی ۔
کوئی تبصرے نہیں:
ایک تبصرہ شائع کریں
thank you for your interest. plz let us know how can we help you