روہڑی: ریلوے نے ٹریک کی بحالی کے لیے دو ارب روپے کی پی سی ون تیارکرلی، پی سی کی منظوری کے ساتھ ہی ٹریک کی بحالی کا کام شروع ہوجائے گا

سکھرڈویژن میں ہونے والے ٹرین حادثات کی اس وقت ریلوے کے 46 سے زائد افسران و اہلکاروں پرانکوائری چل رہی ہے

روہڑی(رپورٹر) سکھرڈویژن کا 60 فیصد ریلوے ٹریک خستہ حالی کاشکار، وزارت ریلوے نے ٹریک کی بحالی کے لیے دو ارب روپے کی پی سی ون تیارکرلی، پی سی کی منظوری کے ساتھ ہی ٹریک کی بحالی کا کام شروع ہوجائے گا، ڈی ایس ریلوے کی ذرائع ابلاٰغ کے نمائندوں سے گفتگو تفصیلات کے مطابق پاکستان ریلوے کا سکھر ڈویژن میں ساٹھ فیصد ٹریک خستہ حالی کا شکارہے جس کی وجہ سے اس پرحادثات رونما ہوتے ہیں 

یہ بھی پڑہیں: سکھر: سکھر ایکسپریس کے اے سی سلیپر میں اخبار کی مفت فراہمی، سکھر اور روہڑی اسٹیشن پر مفت وائی فائی شروع کر رہے ہیں جبکہ دوسرے مرحلے میں سکھر ڈویثرن کے دیگر اسٹیشنز پر بھی یہ سہولیات فراہم کی جائینگی، ڈی ای سکھر

ٹریک کے ساٹھ فیصد خستہ حال ہونے کا اعتراف کرتے ہوئے گذشتہ روز ڈویثرنل سپرنٹنڈنٹ پاکستان ریلوے سکھر شعیب عادل نے ذرائع ابلاغ کے نمائندوں کو بتایا کہ ٹریک کی بحالی کے لیے دو ارب روپے کی پی سی ون تیارکرکے وزارت ریلوے کو بھیج دی گئی ہے جس کی منظوری کے ساتھ ہی ٹریک کی بحالی اور اس کو محفوظ بنانے کے لیے کام شروع کردیا جائے گا ان کا کہنا تھا کہ ریلوے کے سفرکومحفوظ بنانے کے لیے پاکستان ریلویزکی جانب سے ہرممکن اقدامات کیے جارہے ہیں 

یہ بھی پڑہیں: روہڑی: کوٹ لالو ریلوے ٹریک پر تخریب کاری کا واقع ڈی ایس ریلوے سکھر شعیب عادل کا تمام ڈویژنل افسران اور پرمیننٹ وے انسپیکٹران کا ہنگامی اجلاس طلب

انہوں نے مختلف سوالات کے جوابات دیتے ہوئے بتایاکہ سکھرڈویژن میں ہونے والے ٹرین حادثات کی اس وقت ریلوے کے 46 سے زائد افسران و اہلکاروں پرانکوائری چل رہی ہے ان کو غفلت کامرتکب پائے جانے پرملازمت سے فارغ کردیا جائے گا ڈی ایس ریلوے نے اس موقع پربتایا کہ سکھر ڈویژن میں اس وقت چھ ہزار سے زائد افسران و ملازمین اپنے فرائض سرانجام دے رہے ہیں تاہم عملے کی کمی ہے جسے دور کرنے کے لیے مراسلہ وزارت کو ارسال کردیا ہے ان کا کہنا تھا کہ بطور ڈی ایس تعیناتی کے بعد سے میری کوشش رہی ہے کہ اپنے ڈویژن میں ٹرین کے سفرکو محفوظ بنایا جائے اورمسافروں کو زیادہ سے زیادہ سہولیات فراہم کی جائیں اس کے لیے کئی اقدامات کیے جارہے ہیں اس موقع پرڈی سی او ریلوے حمید اللہ لاشاری، شاہد یوسفزئی و دیگربھی موجود تھے                       .                                                                                                                                                         .