سکھر: سندھ بھر میں پانچ ہزار اسکولز بند کرنے کا معاملہ، سکھر ضلع میں 112 غیر فعال اور 9 مستقل طور پر بند ہیں، رپورٹ جاری

سندھ بھر میں پانچ ہزار اسکولز بند کرنے کا معاملہ، سکھر ضلع میں 112 غیر فعال اور 9 مستقل طور پر بند ہیں، رپورٹ جاری

سکھر(رپورٹر) تفصیلات کے مطابق سندھ بھر میں محکمہ تعلیم کی جانب سے پانچ ہزاراسکولزبند کرنے کے فیصلے کے بعد سندھ بھر میں غیر فعال اور بند اسکولز کی فہرستیں تیار کی جارہی ہیں اور سکھر ضلع میں 112 پرائمری اسکولز کے غیر فعال اور 9 اسکول بند ہونے کا انکشاف ہوا ہے محکمہ تعلیم کی تیارکردہ رپورٹ کے مطابق ضلع بھر میں 992  پرائمری اسکول قائم ہیں جس میں سے 871 پرائمری اسکول فعال ہیں جس میں سے تحصیل نیو سکھر میں، 6 ، تحصیل روہڑی میں 34 تحصیل صالح پٹ میں 10 اور تحصیل پنوعاقل میں 72 اسکولز غیرفعال ہیں تحصیل پنوعاقل اور صالح پٹ جو کہ پیپلزپارٹی رہنما خورشید شاہ کا حلقہ یے اس میں گرلز وبوائز کے 82 ، تحصیل روہڑی جو کہ سندھ کے وزیر بلدیات سید ناصر حسین شاہ کا حلقہ ہے میں گرلزو بوائزکے پچاس، تحصیل صالح پٹ جو کہ سندھ کے وزیر ٹرانسپورٹ سید اویس قادر شاہ کا حلقہ ہے میں دس گرلز و بوائز پرائمری اسکول بند ہیں اسی طرح تحصیل نیو سکھر جو کہ ایم این اے نعمان اسلام شیخ کا حلقہ ہے ہانچ گرلز و بوائز پرائمری اسکول غیر فعال ہیں۔